Əslən Masallı rayonundan olan Seymur Baxışov 1987-ci ilin 12 iyul günündə Sumqayıt şəhərində Qulamhüseyn və Zemfira Baxışovların ailəsində anadan olub.

Ordu.az-ın məlumatına görə, 1994-2005-ci illərdə Sumqayıt şəhərində yerləşən 14 saylı tam orta məktəbdə təhsil alan Seymur Baxışov 2009-cu ildə Aynur xanım ilə ailə həyatı qurub, Amin adında bir oğlu yadigar qalıb.

Kiçik gizir Seymur Baxışov 2016-cı ilin aprel ayında baş verən döyüşlər zamanı qəhrəmancasına şəhid olub.

Aprelin 19-u onun meyiti təmas xəttindən götürülüb, 20-də isə doğulduğu Sumqayıt şəhərinin Şəhidlər Xiyabanınnda son mənzilə yola salınıb.

2017-ci ildə şəhid Seymur Baxışovun yaşadığı binanın qarşısında, xatirə lövhəsinin açılışı olub.