Təhsil və Müdafiə Nazirliklərinin birgə təşkilatçılığı ilə Füzuli rayonunun Horadiz şəhərinə tur təşkil olunub.

Musavat.com xəbər verir ki, tur çərçivəsində 2016-cı ilin aprel ayında Azərbaycan ordusunun qazandığı tarixi qələbəyə həsr olunmuş “Aprel zəfərindən ötən hər gün üçün bir ağac əkək” devizi altında ağacəkmə kampaniyası nəzərdə tutulub.

Təşkilatçılar bildiriblər ki, tədbirin keçirilməsində əsas məqsəd Azərbaycanın müasir hərb tarixinin zəfər səhifəsi sayılan aprel döyüşlərinin üçüncü ildönümünü qeyd etmək, yeniyetmə və gənclərdə vətənpərvərlik ruhunun yüksəldilməsinə töhfə verməkdir.

Təşkil edilən turda təhsil nazirinin müavini Firudin Qurbanov, deputatlar, media qurumlarının rəhbərləri, QHT, KİV nümayəndələri, tələbə-könüllülər iştirak edirlər.

Tədbir iştirakçılarının aprel döyüşləri zamanı Azərbaycan ordusunun işğaldan azad etdiyi Lələtəpə yüksəkliyinə gedib, burada əsgər və zabitlərlə görüşü də nəzərdə tutulub.