Xocalı soyqırımının 27-ci ildönümü ilə əlaqədar bir sıra xarici ölkələrdə etiraz aksiyaları keçirilib.

Amerika Birləşmiş Ştatlarında yaşayan soydaşımız Zaur Bayramlının musavat.com-a verdiyi məlumata görə, bu gün paytaxt Vaşinqtonda Ağ Evin qarşısında quzeyli və güneyli soydaşlarımızın (Elman Kərimov və Elman Turanlı) iştirakı ilə “Xocalıya ədalət” aksiyası təşkil edilib. Aksiyada ingilis dilində erməni vandalizmini pisləyən şüarlar səsləndirilib. Ərazidə olan insanlara Xocalı faciəsi barədə məlumatlar verilib.

Zaur Bayramlının verdiyi məlumata görə, sabah fevralın 27-də yerli vaxtla saat 4.00-da Vaşinqtonda Ermənistanın ABŞ-dakı səfirliyinin önündə də soydaşlarımızın etiraz aksiyası keçiriləcək.