Mario Raffaelli: 2 problemin həlli Qarabağın açarıdır

Dağlıq Qarabağ münaqişəsinin həlli üçün 2 mühüm addım eyni anda atılmalıdır.

Bunu REAL-a müsahibəsində italiyalı diplomat və ATƏM-in (hazırkı ATƏT) Minsk konfransının ilk sədri Mario Raffaelli deyib.

Onun sözlərinə görə, bunlardan biri Dağlıq Qarabağın müvəqqəti olaraq statusunun müəyyənləşdirilməsidir. İkincisi isə BMT qətnamələrinin yerinə yetirilməsidir.

“Problem odur ki, tərəflərdən biri bu iki məsələdən birincisinin həll edilməsini tələb edir, digər tərəf isə ikincisini. Bu iki maddə bir-birindən asılıdır və eyni zamanda həll edilməlidir”, - italiyalı diplomat deyib.