“Gənclər məndən soruşur ki, niyə Rusiya azərbaycanlılardan çox erməniləri dəstəkləyir?”

Azərbaycanlda Rusiyanın münasibətlərinin yaxşı olması yalnız Azərbaycan xalqı üçün deyil, həm də ölkədə sayı 120 minə çatan ruslar üçün də xoşdur.

İstiPress-in məlumatına görə, bu barədə Azərbaycan Milli Məclisinin deputatı, Azərbaycandakı Rus İcmasının sədri Mixail Zabelin parlamentdə Rusiya Dövlət Dumasının nümyəndə heyəti ilə görüş zamanı bildirib. “Bu, Cənubi Qafqazda ən böyük rus icmasıdır və MDB ölkələrində ən iri icmalardandır” deyən Zabelin bildirib ki, Azərbaycanda Böyük Vətən müharibəsi veteranlarına hörmət göstərirlər, rus dilinin vəziyyəti qorunur.


Mixail Zabelin - Azərbaycan Milli Məclisinin deputatı, Azərbaycandakı Rus İcmasının sədri

"Bunu, ruslara xoş gəlmək üçün yox, ürəkdən edirlər. Ruslar burada heç zaman sıxışdırılmayıblar. Rus tələbələrin işə götürülməsi üçün heç bir məhdüdiyyət yoxdur", - deyə o vurğulayıb.

O, Rusiya Dövlət Dumasının nımayəndə heyətinin rəhbəri Leonid Kalaşnikova müraciət edərək bildirib ki, çox vaxt ondan jurnalistlər, gənclər soruşur ki, niyə Rusiya azərbaycanlılardan çox erməniləri dəstəkləyir. O, sözlərinin sübutu kimi İrəvanda faşist ideoloqu Qaregin Ncdeyə heykəl qoyulmasını göstərib.