Ermənilər azərbaycanlı generalın fotosunu paylaşdı: “İbrət olsun”

Qaziler.az bildirir ki, erməni “facebook” istifadəçiləri ehtiyatda olan azərbaycanlı general-leytenant Yaşar Aydəmirovun fotosunu paylaşıb. General-leytenant Yaşar Aydəmirov fotoda şəhid Anar Rzayevin anası Ziyafət xanımın əlini öpür.

Erməni “facebook” istifadəçisi Haykaz Gevorgyan fotonun “Azərbaycanlı general şəhid anasının hüzurunda. Təəssüf ki, bizdə belə deyil” başlığı ilə paylaşıb.

Qeyd edək ki, Yaşar Aydəmirovun sözügedən fotosu noyabrın 1-də Azərbaycan Texniki Universitetində 1997-ci ildə xüsusi tapşırıqla Qarabağa göndərilən kəşfiyyat qrupunun anım tədbirində çəkilib. Şəhid kəşfiyyatçının anasına medal təqdim edən general-leytenant ehtiram əlaməti olaraq Ananın əlindən öpür və qarşısında baş əyir.