Əhmədov Əsəd Cəlal oğlu -1970-ci il iyulun 15-də Qərbi Azərbacanın Pəmbək mahalının Saral kəndində anadan olub. Əhmədov Əsəd 1992-ci ilin martında Milli Orduda hərbi xidmətə başlayıb, Şuşanın Zarıslı, Salatənkənd, Turşsu, Ağdamın Şelli, Abdal-Gülablı, Güllücə, Papravənd, Naxçıvanik kəndləri uğrunda gedən döyüşlərdə qəhrəmanlıqla vuruşub, Laçın ətrafında 28 soydaşımızın əsirlikdən azad olunmasında xüsusi qəhrəmanlıq göstərib.
1992-ci il iyulun 31-də Paprəvənd uğrunda gedən döyüşlərdə həlak olub.Azərbaycan Resbublikası Prezidentinin 5 fevral 1993-cü il tarixli 457 saylı fərmanı ilə Əhmədov Əsəd Cəlal oğlu ölümündən sonra “Azərbaycanın Milli Qəhrəmanı” adına layiq görülüb.
Əhmədov Əsəd Cəlal oğlu Şəhidlər Xiyabanında dəfn edilib. Bakı şəhərindəki Yasamal rayonundakı küçələrdən biri onun adını daşıyır.
