Bu il fevralın 25-də Füzuli-Xocavənd istiqamətiində, Nərgiztəpə ətrafında düşmən təxribatının qarşısını alarkən şəhid olan hərbçimiz Şahlar Nəzərovun əkiz övladı dünyaya gəlib.

Qaziler.az bildirir ki, bu barədə şəhidin qardaşı Vüsal Nəzərov sosial şəbəkədə bildirib.

Şəhidin və onun yeni doğulan körpələrinin şəklini paylaşan Vüsal Nəzərov bunları yazıb:

"Fevralin 25-i qehremancasina sehid olan, böyuk qardasim, kəşfiyyat bölük komandiri, bas leytenant Sahlar Nəzərovun ekiz ovladlari, gələcəyin 2 qəhrəman əsgəri dunyaya gəldi...

Düşmən canimizdan bir parca qopardi, Tanri ikisini verdi!"

Xatırladaq ki, baş leytenant Şahlar Nəzərov 1990-cı ildə Yardımlı rayonunun Peştəsər kəndində dünyaya göz açıb. Şəhidimiz, elə doğulduğu kəndin qəbiristanlığında dəfn olunub. Şahlar Nəzərovun əmiləri də hərbçi olub.

Hərbçimiz şəhid olmazdan 5 ay öncə ailə həyatı qurmuşdu.