Ermənistan silahlı qüvvələrinin təxribatının qarşısını alarkən şəhid olmuş hərbçi Zakir Cəfərovun 40 mərasimidir.
Zakir Nazim oğlu Cəfərov 1996-cı il mayın 3-də Bakı şəhərində anadan olub. Zakir Cəfərov 2014-2015-ci illərdə Azərbaycan Memarlıq və İnşaat Universitetinin nəzdində İnşaat Kollecində təhsil alıb.
Əsgər Zakir Cəfərov 2017-ci ildə fevral döyüşləri zamanı şəhid oldu. Fevralın 27-də onun və özündən başqa şəhid olan daha dörd nəfərin nəşi neytral ərazindən götürülüb.
Fevralın 28-i isə Zakir Cəfərov Bakı şəhərinin Nizami rayonunun Keşlə qəsəbəsində son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və əsgər Cəfərov uğrunda şəhid olduğu torpağa tapşırılıb.
Qırx mərasimində Müdafiə Nazirliyindən general mayor Rasim Əliyev və digər yüksək rütbəli zabitlər iştirak ediblər.
Allah bütün şəhidlərimizə rəhmət eləsin!
Sevda Elay (Əsgərova)
QAZİLER.AZ
