QAZİLER.AZ xəbər verir ki, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin təşəbbüsü və təşkilatçılığı ilə xidmətin əməkdaşlarından, keçmiş döyüşçülər və QHT rəhbərlərindən ibarət qruplar bütün aprel şəhidlərinin ailələrinə baş çəkir, aprel şəhidlərinin ildönümü mərasimlərinə qatılırlar.
Bu məqsədlə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin şöbə müdüri, polkovnik-leytenant Əjdər Babazadə, Qarabağ Qazilər Birliyinin rəhbərliyində təmsil olunan Rafiq Kərimov və Rey Kərimoğlu Samuxda və Gəncədə olublar. Onlar Samux rayonunda şəhid Fərman Əsədlinin məzarını ziyarət ediblər.
Şəhidin məzarı başında Samux rayon İcra hakimiyyətinin başçısı Alı Qocayev, Xidmətin şöbə rəisi Ə.Babazadə və şəhidin atası Elçin Əsədov çıxış ediblər.
Daha sonra iştirakçılar Gəncədə şəhidin il mərasimində iştirak ediblər.
QAZILER. AZ onu da qeyd edir ki, Səfərbərlik və Hərbi Xidmətə Çağırış üzrə Dövlət Xidmətinin Samux, Kəpəz və Nizami rayon şöbələrinin rəisləri də tədbirdə iştirak ediblər.
Allah bütün aprel şəhidlərinə rəhmət eləsin!
Sevda Elay (Əsgərova)
QAZİLER.AZ
