QAZİLER.AZ saytı xəbər ki, bu gün Beynəlxalq Mətbuat Mərkəzində hərbi yönümlü blogger Tofiq Şahmuradovun hazırladığı və ötən ilin aprel döyüşlərindən bəhs edən “Döyüş gündəliyi – Talış” filminin təqdimat mərasimi keçirilib.
Tədbirdə Qarabağ döyüşçüsü, polkovnik Xətai Baxışov, aprel şəhidi Mahir Mirzəyevin atası Sabir Mirzəyev, Qarabağ qaziləri Ədalət Məhərrəmov, Tərlan Eyvazov, mayor Ədalət Verdiyev, Qarabağ döyüşçüsü Samir Məmmədzadə, Qazilər.az saytının baş redaktoru Rey Kərimoğlu, gənc jurnalist araşdırmaçı Şahin Qocayev, gənclər və digər döyüşçülər çıxış ediblər.
Çıxışçılar bu filmin gənclər arasında hərbi vətənpərvərlik hisslərinin yüksəldilməsinə xidmət etməsindən, tarixi əhəmiyyətindən söz açıblar.
Tədbirdə gənclər və və KİV nümayəndələri də iştirak edib.
QAZİLER.AZ
