Xocalı həqiqətlərini dünyaya çatdırdığına görə Moskvada ermənilər tərəfindən hədələnən, yazdığı Xocalı gündəliyi əsasında "Sonu görünməyən dəhliz" filmi çəkilən jurnalist Riçard Lapaytes Xocalı faciəsinin 25 ili ilə əlaqədar Azərbaycana gəlmişdi. Ölkəmizə böyük məhəbbəti olan jurnalist geri qayıtdıqdan sonra öz "facebook" səhifəsində bunları yazıb.

Qaziler.az Riçard Lapaytesin həmin statusunu təqdim edir:

Mən Bakıya düz 25 il bundan əvvəl gəlmişdim...

Öz torpaqlarında həlak olanların məzarına çiçək qoymaq üçün Azərbaycana gələrkən məni günəş və külək qarşıladı. Evə qayıdanda isə yağış gözləyirdi. Mənə yaxın bu gözəl şərq şəhərinin küçələri ilə dolaşarkən belə bilirdim ki, haradasa uzaq cəbhədə azərbaycanlı əsgəri dayanıb...adama elə gəlir ki, sanki o sonuncudur, lakin bütün ölkə, o cümlədən mən onun çiyinlərindədir!!!

Mən öz sözümü bu sadə ƏSGƏRə, sonra onun valideynlərinə, yaxınlarına və... bütün ölkəsinə, daha sonra torpağına və onun gələcəyinə ünvanlayıram...Onun uşaqlarına, arzularına! Məhz bu gün ermənilər - heç vaxt vətənləri, namus və vicdanları olmayan lənətlənmiş çaqqallar yenidən atdılar və böyük itki verərək geri çəkildilər...

Dostlar bağışlayın ki, gedərkən hamınıza baş çəkə bilmədim. Hamınızı qucaqlayıb bağrıma basa bilmədim. Oradan qayıtmaq mənimçün kədərli idi. Lakin istəyirəm biləsiniz ki, ürəyimdə hər birinizin yeri var. Çünki biz bir yerdə böyük qüvvəyik!
Mən şadam, fəxr edirəm ki, sizin xoşbəxtliyinizin, sizin sevginizin, sizin ağrı-acınızın, sizin inamınızın kiçik bir hissəsiyəm! Mənim sevimli azərbaycan ƏSGƏRİM kimi harada lazımdırsa, tale necə yazıbsa orada olmalı! Artıq heç vaxt oradan bir addım da geri çəkilmək olmayacaq! Bütün bunların qiyməti HƏYATdır! Bütün bunların qiyməti hamımızın, o cümlədən mənim gələcəyimizdir!

Bakı məni günəşlə, küləklə, odla qarşıladı...Evdə isə yağış gözləyirdi...