Şamoyev Firudin İsa oğlu - 1962-ci il 7 fevralda Qazax rayonunda anadan olmuşdur. Orta təhsilini doğma rayonlarında almış, 1981-ci ildə Həqiqi hərbi Xidmətə çağırılmış 1983-cü ildə Ordudan tərxis olunaraq Qazağa qayıdaraq, Təmir Tikinti İdarəsində çilingər işinə başlayır.

1991-ci il 8 iyulda könüllülərdən ibarət dəstəyə yazılır. 707 saylı hərbi hissədə minaatan bölüyün komandiri vəzifəsinə təyin olunur.

Qazax rayonunun Bağanıs Ayrım, Məzəm, Quşçu Ayrım və digər kəndlərinin müdafiəsində xüsusi qəhrəmanlıq nümayiş etdirir.

1992-ci il 13 apreldə Quşçu Ayrım kəndi ətrafında gedən ağır döyüşdə F. Şamoyev qəhrəmancasına həlak olur.

Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Şamoyev Firudin İsa oğluna ölümündən sonra "Azərbaycanın Milli Qəhrəmanı" adı verilmişdir.

Ailəli idi. Üç övladı yadigar qalıb.

Qazax rayonunun Şəhidlər xiyabanında dəfn edilmişdir.

Qazax şəhərindəki orta məktəblərdən biri qəhrəmanın adını daşıyır.