QAZİLER.AZ saytı xəbər verir ki, 28 may Respublika günü münasibəti ilə Qarabağ müharibəsi iştirakçıları, Qaziləri ön cəbhədə olublar. Onlar bu bayramı ön cəbhədəki əsgər və zabitlərimizlə, eyni zamanda Ağdam və Bərdədə yaşayan iki şəhid ailəsinə baş çəkməklə qeyd ediblər.

Onlar 1997-ci ildə düşmən arxasında kəşfiyyat tapşırığını yerinə yetirərkən qəhrəmancasına şəhid olan 7 kəşfiyyatçıdan ikisi - Həsənov Aqşin Əli oğlu və Ələkbərov Nizami Səfi oğlunun anaları ilə görüşüblər.

Səfər zamanı Azərbaycanın ilk hərbi diktoru, hərbi vətənpərvərlik mahnılarının ifaçısı Şəmistan Əlizamanlı Ağdamdakı hərbi hospitalda və ön cəbhədəki zabit və əsgərlər üçün konsert verib.

Qeyd edək ki, səfərdə azeridefence.com saytının baş redaktoru Rəşad Süleymanlı və www.olke.az saytının əməkdaşı Səxavət Məmməd də iştirak ediblər.

Qaziler.az