Kəlbəcər rayonunun özünəməxsus təbiəti, zəngin flora və faunası, nadir ekosistemi və füsunkar landşaftı Azərbaycanın təbii sərvətlərinin ən dəyərli nümunələrindəndir. İşğaldan azad olunmuş Kəlbəcərin bərpası və dirçəlişi ilə paralel olaraq, bölgənin təbii irsinin qorunması, biomüxtəlifliliyin bərpası və ekoloji mühitin davamlı inkişafı istiqamətində genişmiqyaslı işlər həyata keçirilir.

Qaziler.az Qaçqınların və Məcburi Köçkünlərin İşləri üzrə Dövlət Komitəsinə istinadla xəbər verir ki, təqdim edilən videoçarxda Kəlbəcərin unikal təbiətinin, zəngin bitki örtüyünün, bölgənin özünəməxsus təbii gözəllikləri nümayiş olunur.

Videoçarx Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı və Kəlbəcər rayonunda Azərbaycan Respublikasının Prezidentinin xüsusi nümayəndəliyinin dəstəyi ilə hazırlanıb.