Soyqırımdan 31 il ötdü

Bu gün Xocalı faciəsinin 31 illiyi ilə əlaqədar "Qarabağ Qaziləri" İctimai Birliyinin sədri Asəf Əliyev və təşkilatın üzvləri Xocalı Abidəsini ziyarət ediblər.

A.Əliyev QAZİLƏR.AZ-a bildirib ki, ziyarətdə Xocalı qurbanlarının xatirəsinə dualar oxundu, abidənin önünə əklil və gül dəstəsi qoyuldu, Şəhidlərin xatirəsi ehtiramla anıldı. O, qeyd edib ki, Qazilərimiz və xalqımız heç vaxt bu faciəni unutmayacaq!

Xatırladaq ki, Xocalı soyqırımı zamanı 613 nəfər şəhid olub, 1000 nəfər müxtəlif yaşlı dinc sakin aldığı güllə yarasından əlil olub, 106 nəfər qadın, 63 azyaşlı uşaq, 70 qoca qətlə yetirilib, 8 ailə tamamilə məhv edilib, 25 uşaq hər iki valideynini, 130 nəfər valideyinlərindən birini itirib. Faciə baş verən gecə 1275 nəfər dinc sakin girov götürülüb, onların 150-sinin taleyi indi də məlum deyil.

ALLAH ŞƏHİDLƏRİMİZƏ RƏHMƏT ELƏSİN!

QAZİLER.AZ