Fevralın 22-si Azərbaycanın Qarabağda verdiyi ilk şəhidlərinin anım günüdür. 

Baku TV xəbər verir ki, bu gün Əsgəranda Əli Hacıyev və Bəxtiyar Quliyevin şəhid olmasından 35 il ötür.

1988-ci ildə Qarabağın Ermənistana birləşdirilməsi haqqında qətnamə ilə razılaşmayan onminlərlə etirazçı sırasında Ə.Hacıyev və B.Quliyev də var idi.

Fevralın 22-də səhər saatlarında silahsız azərbaycanlılar Əsgərana doğru hərəkət etdilər. Düşmən tərəfindən etirazçılara doğru açılan qəfil atəşlə isə Əli və Bəxtiyar şəhid oldular.
Şəhid Əli Hacıyevin qardaşı Arif Hacıyev bildirib ki, illərdir qardaşının qəbrini tapa bilmir:

“Əli Qarağacı qəbiristanlığında dəfn olunmuşdu. İllərdir oranı ziyarət etsəm də, qardaşımın qəbrini tapa bilmirəm. Qəbirlərin hamısını şumlayıb, yerində taxıl əkiblər”.

A.Hacıyev torpaqlarımızın işğaldan azad olunmasından sonra Əli və Bəxtiyarın intizarda olan ruhlarının azadlığa qovuşduğunu deyib.

Ətraflı Baku TV-nin videosunu təqdim edirik: