QAZİLER.AZ saytı xəbər verir ki, Azərbaycanın ərzi bütövlüyü uğrunda gedən ağır döyüşlərdə iştirak etmiş Qarabağ qazisi Araz Əsgərovun 60 yaşı tamam olur. 60 illik yubileyi münasibətlə “Qarabağ qaziləri” ictimai birliyinin kollektivi adından A.Əsgərovu təbrik edir, ona uzun ömür və cansağlığı arzu edirik.

Xatırladaq ki, Araz Arif oğlu Əsgərov 15 fevral 1963-cü ildə Ağdam rayon, Şıxbabalı kəndində anadan olub. 1981-1983-cü illərdə Sovet ordusunda hərbi xidmətdə olub. Ali təhsilli hüquqşünasdır. 1986-cı ildən SOCAR, “Azneft” İB, “Neft Daşları” NQÇİ-də fəhlə peşəsindən başlayaraq müxtəlif vəzifələrdə çalışıb, hal-hazırda həmin müəssisdə idarə aparatında çalışır.

1991-1993-cü illər ərzində Azərbaycanın Milli Qəhrəmanı Polkovnik-leytenant Şəhid Şirin Mirzəyevin yaratdığı Azərbaycanın ilk ərazi özünümüdafiə batalyonunda Azərbaycan Respublikasının ərazi bütövlüyü uğrunda gedən döyüşlərdə iştirak edib. Bu illər ərzində Ağdam, Ağdərə, Xocavənd istiqamətində Abdal-Gülablı, Şelli, Qaradağlı, Sirxəvənd, Kiçan, Qazançı, Qarakənd, Mərzili və digər ərazilərimiz uğrunda gedən ağır döyüşlərdə iştirak edib.

Ailəlidir, 3 övladı var.