Beynəlxalq Qırmızı Xaç Komitəsi (BQXK) Laçın-Xankəndi yolunda keçirdiyi əməliyyatların sayını açıqlayıb.
Beynəlxalq Qırmızı Xaç Komitəsinin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova APA-nın sorğusuna cavab olaraq bildirib ki, 19 dekabr 2022-ci il tarixindən bəri BQXK humanitar neytral vasitəçi olaraq, Laçın yolu boyu 12 əməliyyat həyata keçirib.
Bu əməliyyatlar zamanı 36 xəstə və onları müşayiət edən şəxslər təxliyə olunublar. Bundan əlavə, tibb müəssisələri üçün dərman ləvazimatı, ərzaq təminatı və uşaq yeməkləri çatdırılıb.
“Biz əlaqədar qurumlarla dialoqu davam etdiririk və neytral vasitəçi olaraq, humanitar məsələlərin qarşılanması istiqamətində dəstək verməyə hazırıq”, - İlahə Hüseynova qeyd edib.
