“Cəbrayıl rayonuna gəlmişik. Vaxtilə Cəbrayıl rayonunun girişində ucaldılmış lövhəni biz indi yenidən qurduq. Eyni formada, eyni dizaynla "Cəbrayıla xoşgəlmişsiniz" lövhəsini bərpa etdik”.
"Report" xəbər verir ki, bunu Azərbaycan Prezidenti İlham Əliyev Cəbrayıl rayonuna səfəri zamanı deyib.
“Sovet vaxtında bu abidə - əgər belə demək mümkündürsə - qoyulmuşdur, ucalmışdır və işğal dövründə tamamilə sökülmüş, paslanmışdır. Bunun paslanmış görüntüləri artıq mətbuatda da var. Ona görə tarixi ədaləti bərpa edərək bax, bu Cəbrayıl rayonunun girişində yerləşən "Xoş gəlmişsiniz" lövhəsini, abidəni biz yenidən bərpa etdik. Bütün azad edilmiş torpaqları bərpa edəcəyik. Bütün şəhərləri, kəndləri bərpa edəcəyik”.
