"1 kvadrat metrlik yerdən 10-a yaxın mina çıxır"  - VİDEO backend

"1 kvadrat metrlik yerdən 10-a yaxın mina çıxır" - VİDEO

Beynəlxalq mina təhlükəsizliyi barədə maarifləndirmə və minalardan təmizləmə fəaliyyətinə yardım günü ilə bağlı müharibədən zərərçəkmiş regionlarda fəaliyyət göstərən vətəndaş cəmiyyətinin nümayəndələri Tərtər və Ağdam rayonlarında olublar.

"Report" xəbər verir ki, onlar müəyyən ərazilərdə mina təhlükəsi ilə bağlı maarifləndirici lövhələrin basdırılması işlərini həyata keçirir.

Həmçinin minadan zərərçəkənlərlə görüşüb müzakirələrin aparılması, icmalarda görüşlərin aparılması, xüsusilə mina sahələrinə yaxın ərazilərdə yaşayan insanlarla görüşlərin keçirilməsi istiqamətində fəaliyyətlər yerinə yetirilir.

Fəaliyyət çərçivəsində Beynəlxalq Avrasiya Fondu, Minalardan Zərərçəkənlər Assosiasiyası, Dayaq Qeyri-Hökumət Təşkilatı, Minalardan Zərərçəkənlərə yardım İctimai Birliyi, Azərbaycan Minalar Əleyhinə Kompaniya nümayəndələri iştirak ediblər.

QHT nümayəndələri bu fəaliyyəti sabah Füzuli rayonu istiqamətində davam etdirəcəklər.