Bildiyimiz kimi, son dövrlərdə Azərbaycan Respublikasının iqtisadi potensialının sürətlə yüksəlişi, bazaryönumlü islahatların dərinləşməsi və regionların inkişafındakı müsbət dəyişikliklər, bütövlüklə ölkə iqtisadiyyatında müşahidə olunan müasir meyillər texniki peşə sistemi qarşısında yeni tələblər irəli sürür. “AZƏRBAYCAN 2020: GƏLƏCƏYƏ BAXIŞ” İNKİŞAF KONSEPSİYASI-da qeyd olunduğu kimi, istənilən iqtisadi artımın məqsədi sosial rifahın yüksəldilməsidir. Bu baxımdan, sosial sahələrin və insan kapitalının inkişafı Konsepsiyada əsas prioritetlərindən biri kimi təsbit olunmuşdur.

Eyni zamanda əhalinin sosial müdafiəsinin gücləndirilməsi, ailənin inkişafı, gənclərin potensialının inkişaf etdirilməsi bu prioritet çərçivədə əsas istiqamətlərdən biridir. Gənc nəslin iş bacarıqlarının inkişafı məqsədi ilə gənclərin əmək və iqtisadi əlaqələrə erkən yiyələnməsi üçün səmərəli şərait yaradılmasına ehtiyac var.

Məhz bu baxımdan da “SAF Həyat Naminə” Gənclər İctimai Birliyinin noyabr ayından icrasına başladığı və üç ay müddətinə davam edən “Peşəm mənim karyeramdır” gənc qızlara dəstək”adlı layihə Bakı şəhərinin Nəsimi, Nizami, Xətai, Sabunçu, Binəqədi və Nərimanov rayonlarında yerləşən və fəaliyyət göstərən peşə məktəb və liseylərini əhatə edir. Qeyd edək ki, Bakı şəhərinin 6 rayonu və hər rayondan bir peşə məktəbi olmaqla, orada təhsil alan qızların əl işləri üzə çıxarılılacaq və həmin əl işlərinin nümayişi təşkil olunacaq.

Hazırda layihənin icrasıyla bağlı hazırlıq davam edir.

(analog.az)