Fevralın 9-da Avstraliyanın şərq sahilləri yaxınlığında köpək balığı yapon sörfçünü öldürüb.

AzərTAc-ın məlumatına görə, hadisə Yeni Cənubi Uels ştatının Sidney şəhərindən 500 kilometr şimalda yerləşən məşhur Ballina çimərliyində baş verib. Dostları ilə birlikdə sörfinqlə məşğul olan 35 yaşlı yapon gözlənilmədən köpək balığının hücumuna məruz qalıb. Çimərlikdəkilərin ilk yardım göstərmək cəhdlərinə baxmayaraq, sörfçünün həyatını xilas etmək mümkün olmayıb.

Baş vermiş faciədən sonra polis hadisə yerindən 15 kilometr məsafədə çimərlik boyunca üzməyi qadağan edib.