Koronavirus yalnız qüssə və qayğı gətirmir. Eyni zamanda xalq yaradıcılığını inkişaf etdirir. Bizim ölkədə də özünəməxsus lətifələr yaranıb və sosial şəbəkələrdə bəziləri geniş yayılıb.

Moderator.az xarici mətbuata istinadən fransızların koronavirus haqqında lətifələrinin bəzilərini oxucularına təqdim edir. Gülmək də müalicədir.

Bu virus sona çatdıqdan sonrakı altı ayda dostlar sizi şam yeməyinə dəvət edəcəklər və makarona qonaq edəcəklər, o zaman siz də hədiyyə olaraq tualet kağızı apararsınız.

Tualet kağızını dondurdum. Bilmək olmaz hələ nələr olacaq ...

Bu ay toylarını planlaşdıranlar, həyatın sizə ikinci şans verdiyini bilin.

Bu virus mütləq bir qadın tərəfindən icad edilmişdir. Bir zərbə ilə barları bağladı, futbol çempionatlarını dayandırdı və kişiləri evdə oturmağa məcbur etdi.

Təəccüblü şeylər baş verir: ər-arvad xəyanətləri 99% azalıb.

Ərimdən maskasını üzündən çıxarmasını xahiş etdim və üç gündür qonşu kişi ilə yaşadığımı bildim.

Karantinin üçüncü günündə arvadım israrla məni gəzməyə çıxmağımı məsləhət etdi və söz verdi ki, mənim əvəzimə cəriməni ödəyəcək.

Hər otaqda bir şüşə pivə gizlətmişəm, bu axşam arvadımla geyinib- kecinib bar turu təşkil edəcəyik.

Qərar verdim! Bu gün zibili atacağam. Çox həyəcanlıyam. Görəsən təzə paltarımı geyinim?

Cib telefonumda koronavirus haqqında o qədər məlumat var ki, indi zəng çalmaq əvəzinə öskürür.

Ev heyvanları ilə gəzmək hüququ hər kəsə xoşbəxtlik üçün bəhanə deyildir. Baxıram, bütün qonşularım bobikləri ilə gəzir, tısbağam və mən yeddinci saatdır ki, pilləkənləri enirik.

Sizi əmin edirəm ki, məktəblər uzun müddət bağlanarsa, o zaman valideynlər koronavirusa qarşı peyvəndi alimlərdən tez tapacaqlar.

Bütün bu rüsvayçılıq bitdikdə, bir neçə gün rahat istirahət etmək üçün evdə qalacağam.

Yay vaxtına keçmək? Nəyə lazımdır? Hansı günü yaşadığımızı da bilmirik.

- Karantindən sonra nə edəcəksiniz?
- Nə edəcəyik? Bütün normal insanlar kimi biz də Yeni il bayramına hazırlaşacağıq.