ABŞ-ın Ohayo ştatındakı universitetlərdən birinin alimləri bu nəticəyə gəliblər ki, dərin inanclı insanlar aqnostiklərdən və ateistlərdən orta hesabla 3-4 il çox yaşayırlar.

Moderator.az Rusiya mətbuatına istinadən xəbər verir ki, tədqiqatçılar Amerika qəzetlərindəki nekroloqları təhlil edərək belə bir maraqlı nəticəyə gəliblər.

“Maraqlı olan odur ki, dindar adamların çox yaşadığı şəhərlərdə bu hal inancsız insanlara da keçib”- tədqiqatçı Laura Uolles deyib.

Onun sözlərinə görə, bu onunla əlaqədardır ki, ateistlər və aqnostiklər inanclı insanların bəzi həyat normalarını və adətlərini mənimsəyiblər.

Almaniya və Danimarkadan olan tədqiqatçılar yanvarda qadınların kişilərdən çox yaşamasını bioloji xüsusiyyətlərlə əlaqədar olduğunu sübut etmişdilər. Onların sözlərinə görə kişilərin ömrünü qısaldan immun sistemini dağıdan testosteronun yaranmasıdır.