Rusiya KİV-də çar II Nikolayın məşhur məsləhətçisi, “müdrik və uzaqgörən”, “görücü” Qriqori Rasputinin guya Rusiyanın 2018-ci ildə başına gələcək olaylar haqda öncəgörmələri dərc olunub.

Moderator.az-ın verdiyi xəbərdə deyilir ki, gələn il prezident seçkiləri keçiriləcək Rusiyanı və deməli, onun lideri Vladimir Putini də böyük təhlükələr gözləyir. Həmin təhlükələrin əsasən Qərbin və Şərqin bəzi ölkələrindən qaynaqlandığı bildirilir. Eyni zamanda Rasputin guya Rusiyaya Şərqdən hansısa “peyğəmbər”gələcəyi haqda da proqnoz verib.

Rasputin və Putin ailəsinin əlaqələri haqda cürbəcür maraqlı versiyalar səslənir. Putinin Lenin və Stalinə aşpazlıq etmiş babası Spiridon Putinin Rasputinlə yaxın olduğu və bu baxımdan Putinin təsadüfən hakimiyyət başına gəlmədiyini, onun Rasputinin ruhunu daşıdığını da söyləyənlər var...