"Microsoft" şirkətinin qurucusu Bill Geyts bir çox proqnozlarının gerçəyə çevrilməsi ilə də məşhurdur. İKT.lent.az-ın xəbərinə görə, məhz o, bir neçə il əvvəl smartfonların və sosial şəbəkələrin populyar olacağını anons etmişdi.

"Business Insider" nəşri Bill Geytsin gələcəklə bağlı 7 proqnozunu dərc edib. Beləliklə, 75 milyard dollarlıq sərvəti olan dünyanın ən varlı adamlarından biri düşünür ki:

1. 10-15 ildən sonra bioterrorçular süni viruslar yaradacaqlar;

2. 10-15 ildən sonra texnologiyalar Afrikada aclığa qalib gələcək;

3. 2030-cu ildə mobil banklar aztəminatlı ailələrin sayını azaldacaq;

4. 2035-ci ildə yoxsul ölkə, demək olar ki, qalmayacaq;

5. 15 ildən sonra bərpa olunan enerji karbohidrogen energetikasını üstələyəcək;

6. 20 ildən sonra robotlar milyonlarla iş yerini zəbt edəcək;

7. 2019-cu ildə poliomielit (viruslar tərəfindən törədilən, beynin boz maddəsinin iltihabı) xəstəliyinin kökü tamamilə kəsiləcək.