Qeyri adi dizaynıyla diqqət çəkən qatar, beş ulduzlu otel səviyyəsində verdiyi xidmətlə hər kəsin marağına səbəb olacaq.

Milli.Az xəbər verir ki, ümumilikdə on vaqondan ibarət olan Train Suite Shiki-Shima adlı qatarın dizaynı, verdiyi xidmət qədər ayrı bir səviyyədədir. Qeyri adi bölmələri özü ilə gətirən qatarda iştirak edən şüşə tavanlı hissələr sayəsində, müştərilər rahatlıqla panoramik bir səyahət edə bilərlər. Daxilində hər biri iki nəfərlik olmaqla 17 ədəd otaq olduğu üçün qatarla yalnız, 34 sərnişin səyahət edə bilər. Train Suite Shiki-Shima adlı qatarda, eyni zamanda professional mətbəx xidməti də var. Hal-hazırda Tokioda mövqeləndirilən qatarın ilk səfəri, Tokyo-Ichinoseki şəhərləri arasında olacaq.

Üç gecə, dörd gün şəklində, ümumilikdə 1.800 kilometrlik bir reys üzərindən davam edən səfərlərdə sərnişinlər təyin olunan stansiyalarda dayanıb, bölgədə gəzərək, qatara yenidən geri dönə biləcəklər. May ayında xidmətə başlayacaq olan qatara qonaq olmaq istəyənlərin iki günlük tarifi üçün adam başı 320.000 yuan, təxmini olaraq 2 944 dollar, dörd günlük tarifi üçün isə adam başı 750.000 yuan təxmini olaraq isə 6 900 dollar ödəniş etməlisiniz.