Çində gənc oğlan sevdiyi qıza qeyri-adi hədiyyə verib.

Axşam.az-ın xarici KİV-ə istinadən məlumatına görə, Çançunq şəhərində yaşayan gənc sevgilisinə 10 min yuan (təxminən 2500 AZN) pul əskinaslarından bağlanmış bir buket bağışlayıb.

Oğlan bildirib ki, gül alsaydı, o, iki günə solacaqdı. Amma verilən pulları sevgilisi uzunmüddət xərcləyə və istədiklərini ala bilər.

Hadisə bir ay öncə baş versə də, buketin fotoları bu günlərdə mediaya çıxıb. Şəkli bəzi insalar müsbət qarşılasalar da, bəziləri oğlanın bu addımını tənqid ediblər. Onlar bu hərəkətin qətiyyən romantik olmadığını vurğulayıblar.

Qeyd edək ki, bənzər hadisə ötən ildə Çində olub. O zaman bir gənc 5 min yuan (təxminən 1300AZN) olmaqla gül buketi hazırladıb və sevdiyi qıza təqdim edib.