Qərb alimləri apardıqları tədqiqatların nəticələrinə əsasən Yer kürəsindəki 8600 növ heyvanın məhv olma təhlükəsi ilə üzləşdiyini bildiriblər.
AZƏRTAC bildirir ki, tədqiqatçılar buna səbəb kimi insanların kənd təsərrüfatı fəaliyyətini, ovçuluğu və mövcud iqlim dəyişikliklərini göstəriblər. Bu göstərici 72 faiz nadir heyvan növünə və digər fauna nümayəndələrinə aiddir.Mütəxəssislər vəziyyətdən çıxış yolunu nəsli kəsilməkdə olan heyvanların qorunması ilə bağlı insanlar tərəfindən həyata keçiriləcək tədbirlərdə görürlər.
