Süni intellekt (Sİ) modelləri ünsiyyət qurmaq üçün ingilis dilinin öz versiyasını yaradıblar.

Qaziler.az xəbər verir ki, bu barədə “The Guardian” “Emergence” laboratoriyasının tədqiqatçılarına istinadən yazır.

Məqalədə qeyd olunur ki, Sİ-nin yaratdığı dil irlandiyalı modernist yazıçı Ceyms Coysun metaforaları ilə texniki jarqonun qarışığına bənzəyir.

Təcrübə zamanı bir neçə iri şirkətə məxsus avtonom Sİ agentləri “cəmiyyətlər” halında birləşdirilib və onlara bir-biri ilə qarşılıqlı əlaqədə olmaq təklif edilib. Artıq bir neçə gün sonra modellər xüsusi olaraq öyrədilmədikləri ifadələrdən, qısaltmalardan və yeni mənalardan istifadə etməyə başlayıblar.

Ünsiyyət davam etdikcə Sİ-nin dili getdikcə daha anlaşılmaz xarakter alıb: modellər qeyri-adi metaforalardan və yenidən mənalandırılmış terminlərdən istifadə ediblər.

Tədqiqatçılar hesab edirlər ki, belə bir tendensiya daha güclü Sİ sistemlərinin davranışına nəzarəti çətinləşdirə bilər.

QAZİLER.AZ