Hindistanda 24 yaşlı gəlin toyu ləğv etsə də, elə həmin axşam ailə həyatı qurub.

Qaziler.az xəbər verir ki, bu barədə "Times of India" qəzeti məlumat yayıb.

Qohumlarının dediyinə görə, qız mərasimi ləğv etmək qərarını bəyin müşayiət qrupundakı bir neçə nəfərin gəlinin ailəsindən olan qadınlara qarşı ədəbsiz davranması səbəbindən qəbul edib. Bundan sonra yaranan münaqişə sürətlə davanın böyüməsinə səbəb olub.

Polisin müdaxiləsindən sonra tərəflər mərasimdən imtina etmək barədə razılığa gəliblər, bəyin ailəsi isə hədiyyələri qaytarmağa və xərcləri kompensasiya etməyə razı olub.

Lakin zaldan çıxarkən iştirakçılar arasında yenidən qarşıdurma baş verib. Nəticədə bir neçə nəfər yüngül xəsarətlər alıb və onlara ilkin tibbi yardım göstərilib.

Daha sonra, elə həmin axşam gəlin başqa bir kişi ilə evlənib və nikah mərasimi elə həmin məkanda baş tutub. Hadisədən sonra hər iki tərəf polisə müraciət edib və hüquq-mühafizə orqanları araşdırmalara başlayıb.

QAZİLER.AZ