Səyyah Henrik Yeppesen hesab edir ki, Avropanın ən yaxşı şəhəri Estoniyanın paytaxtı Tallindir.
Oxu.Az "Mirror"a istinadən xəbər verir ki, 37 yaşlı danimarkalı səyyah 193 ölkəni və 2000-dən çox məkanı ziyarət edib.
"Mənim fikrimcə, Avropanın ən yaxşı şəhəri Estoniyanın paytaxtı Tallindir. O hələ də qiymətləndirilmir və bir çox insan, hətta səyahətçilər belə, heç vaxt ora getməyiblər", - deyə Henrik bildirib.
Yeppesen izah edib ki, Tallinə səyahət etmək tanınmış turizm paytaxtlarını ziyarət etməkdən xeyli ucuzdur.
Köhnə şəhər UNESCO-nun Dünya İrsi Siyahısına daxildir. Burada xüsusi atmosferi olan dar küçələr, orta əsr memarlığı və hətta kiçik bir qiymətə belə ləzzətli yeməklər var.
