Çindən olan paleontoloqlar erkən Yura dövrünün eusauropod dinozavrlarının yeni cinsi və növlərini aşkar ediblər. “Huashanosaurus qini” adlı yeni növün təxminən 12 metr uzunluğunda olduğu düşünülür.

Qaziler.az xəbər verir ki, araşdırmanın nəticələri “Acta Geologica Sinica” (AGS) jurnalında dərc olunub.

“Huashanosaurus qini” təxminən 200-162 milyon il əvvəl Erkən Yura (Lias) və Orta Yura (Dogger) dövrlərində indiki Quansi Muxtar Bölgəsində yaşamışdır. Dunşi kəndi yaxınlığındakı Huçiyu karxanasında qismən skelet də daxil olmaqla iki nümunə tapılıb.

Vanmen formasiyasının geoloji yaşı mübahisəlidir, lakin tədqiqatçılar onu Erkən və Orta Yura dövrünə aid edirlər.

Məlumatda qeyd olunub ki, yeni növün kəşfi eusauropodların təkamül radiasiyasını aydınlaşdırmağa imkan verir.

QAZİLER.AZ