Bir vaxtlar Fransa kraliçası Mari Antuanettaya məxsus nadir on karatlıq almaz "Christie's Magnificent Jewels" hərracında təxminən 14 milyon dollara satılıb.

Qaziler.az xarici mətbuata istinadən bildirir ki, bu barədə iyunun 20-də hərrac evinin saytında məlumat verilib.

Rəvayətə görə, 1791-ci ildə Parisdən qaçmaq cəhdi uğursuz olarkən Mari Antuanetta zinət əşyalarının bir hissəsini saxlamaq üçün gizli şəkildə saray bərbəri Leonarda verir. Onların arasında 10,38 karatlıq nadir çəhrayı-bənövşəyi almaz da olub. Daş daha sonra kraliçanın Fransa İnqilabından sağ qalan yeganə qızı Mari-Terezə keçib.

Əvvəllər kral kolleksiyasının bir hissəsi olan daş-qaş inqilab illərində möcüzəvi şəkildə məhv olmaqdan xilas oldu. İki əsr ərzində almaz əldən-ələ keçib və 1996-cı ildə hərracda 13,98 milyon dollara satılıb ki, bu da ilkin təxmin edilən 5-7 milyon dollardan üç dəfə çoxdur. Yeni sahibin adı açıqlanmayıb, lakin versiyalardan birinə görə, daşı Asiya mənşəli kolleksiyaçı alıb.

Alıcının istəyi ilə brilyant yeni quruluş alıb: o, kral zanbağı şəklində 17 brilyantdan ibarət tacla bəzədilmiş qoşa üzüyə daxil edilib.

QAZİLER.AZ