Yapon tədqiqatçılar laboratoriyada içi boş liflərdən istifadə edərək qan damarlarının işini təqlid edərək strukturlaşdırılmış toyuq əti yetişdirməyə imkan verən yeni texnologiya hazırlayıblar. Bu, yeni bioreaktor sayəsində mümkün olub.

Qaziler.az xəbər verir ki, araşdırma işi “Trends in Biotechnology” (TB) jurnalında dərc olunub.

Süni toxumaların yaradılmasında əsas vəzifə onları kifayət miqdarda oksigen və qida maddələri ilə təmin etməkdir. İndiyə qədər bu, ölçüsü 1 mm-dən az qalınlıqla məhdudlaşmışdı. Lakin Tokio Universitetinin professoru Şoji Takeuçinin rəhbərlik etdiyi bir qrup çəkisi 10 qramdan çox olan toyuq əti “parçası” yetişdirməyi bacarıb.

Hazırlanmış bioreaktor hüceyrələrin nəinki bərabər paylanmasına, həm də özlərini həqiqi əzələ toxumasına yaxın bir quruluşda təşkil etməyə imkan verdi. Bu, təkcə real dad və teksturaya malik mədəni ətin yaradılması istiqamətində atılmış addım deyil, həm də regenerativ təbabət, süni orqanların və yumşaq robot texnikasının inkişafı üçün perspektivli istiqamətdir.

Alimlər hesab edirlər ki, bu cür texnologiyalar heyvanların kəsilməsini tələb etməyən ekoloji cəhətdən təmiz ətin kütləvi istehsalına gətirib çıxara bilər. Həmçinin yeni müalicə üsullarının və dərman preparatlarının hazırlanmasını əhəmiyyətli dərəcədə sürətləndirə bilər.

QAZİLER.AZ