ABŞ-nin bəzi sakinləri Pasxa bayramı üçün ənənəvi olan yumurta boyamağı kartof və soğanla əvəz etməyi düşünürlər. Buna səbəb yumurtanın bahalaşmasıdır.

Qaziler.az xəbər verir ki, bu barədə “The New York Times” məlumat dərc edib.

Xəbərdə qeyd olunub ki, fevral ayında 10 yumurtanın orta qiyməti 5,9 dollara (təxminən 10 azn) çatıb.

Sosial şəbəkələrdə yumurtaları əvəz etmək üçün kartof, zefir və soğanın rənglənməsi ilə bağlı video təlimatların populyarlaşdığı bildirilir. Ohayo ştatındakı “Young's Jersey Dairy” şirkəti 40 illik tarixində ilk dəfə plastik yumurtalardan istifadə edəcək.

“Müştərilərdən gələn reaksiya müsbətdir. Düşünürəm ki, insanlar yumurtanın hazırkı qiymətinə görə tədbiri ləğv edəcəyimizdən qorxurdular. Buna görə də onlar şaddırlar ki, biz Pasxa bayramını keçirəcəyik”, - şirkətin rəhbəri Con Yanq nəşrə bildirib.

QAZİLER.AZ