Romada ABŞ-dan olan 21 yaşlı tələbə vegan restoranında sendviç yedikdən sonra ölüb.

Qaziler.az xəbər verir ki, bu barədə “Wanted in Rome” nəşri məlumat yayıb.

Ölümün ilkin səbəbi allergik reaksiya olub. Belə ki, tələbə qızda anakardiya fındığına qarşı dözümsüzlük var imiş.

Tələbə hələ kafedə olarkən anafilaktik şoka girdiyini hiss edib və yataqxanaya qaçmağa başlayıb. Ancaq huşunu itirərək yolda yıxılıb. Tələbə yoldaşları qıza kortizon iynəsi vuraraq kömək etməyə çalışıblar. Təəssüf ki, edilən cəhdlər kömək etməyib, gələn təcili yardımın səyləri də uğursuz olub və gənc amerikalı yerindəcə keçinib. 

Ehtimal olunur ki, faciəvi hadisə tələbə ilə veqan kafenin işçiləri arasında yaranan dil anlaşılmazlığından baş verib. Qeyd olunur ki, tələbə qızın sendviçin tərkibində onun üçün əks göstəriş olan maddələrin olduğunu anlamayıb və qidanı qəbul edib.

QAZİLER.AZ