“İngiltərənin ən qorxunc evi” satışa çıxarılıb.

Qaziler.az xəbər verir ki, bu barədə “Daily Mail” yazır.

İngiltərədə yerli əhalinin ölkədə "ən qorxunc" adlandırdığı ev yenidən satışa çıxarılıb. Üç otaqlı fərdi ev Norfolk qraflığının Norviç yaxınlığındakı Blofild kəndində yerləşir. Martın 26-da onu hərracda satmaq üçün edilən ilk cəhd uğursuz olub. Evin başlanğıc qiyməti 275 min funt sterlinq olmasına baxmayaraq, alıcı olmayıb. Qiymət indi 275 mindən 250 min funt sterlinqə endirilib və may ayında yenidən hərrac keçiriləcək.

Ev həqiqətən qorxulu görünür. Onun fasadı narahatedici qan-qırmızısı ilə bəzədilib və pəncərələri taxtalarla örtülüb. Evin içərisinin vəziyyəti daha pisdir: çirkli divarlar, soyulmuş divar kağızları, otaqlara səpələnmiş zibillər və sınıq mebellər. Şəkillərdən də aydın görünür ki, ev uzun müddətdir ki, təmir olunmur. Çünki evdə paslı radiatorlar, çirkli mebellər və bütün səthlərdə qalın toz təbəqəsi var.

QAZİLER.AZ