Türkiyənin Antalya şəhərində keçirilən G-20 sammitində maraqlı hadisə baş verib. APA TV-nin Vesti.az-a istinadən məlumatına görə, iştirakçı dövlətlərin bayraqları ilə bəzədilən səhnəyə liderlərdən öncə üç pişik çıxıb.

KİV nümayəndələri tərəfindən kadra alınan bu görüntü sosial şəbəkələrdə geniş marağa səbəb olub. Hətta istifadəçilərdən bəziləri maraqlı iddialar da irəli sürüblər. Bir izləyici şərh bölümünə bu pişiklərin üzərində təhlükəsizlik kameraları olduğunu yazıb.

Məlumata görə, bu pişiklər sammitdə müzakirə ediləcək ciddi məsələlərə - xüsusilə Rusiya və ABŞ prezidentlərinin açıqlamalarına diqqəti kölgədə qoyub.