“Whole Foods” supermarketlər şəbəkəsinin qurucusu Con Makki “Apple Watch” sayəsində üç il əvvəl spirtdən imtina etdiyini deyib.

Qaziler.az xəbər verir ki, bu barədə “Business Insider” məlumat yayıb.

Makkinin sözlərinə görə, o, “Apple Watch” ilə yuxusunu izləməyə başlayanda bəzi günlər yaxşı, bəzi günlər isə pis yatdığını müşahidə edib. Fərqin səbəblərini öyrənmək üçün vərdişlərini təhlil etməyə başladı.

Milyonçu yatmazdan əvvəl daha çox məşq etməyin və az yeməyin daha yaxşı yuxuya səbəb olduğunu müəyyən edib. Lakin ən böyük kəşfi spirtli içki qəbul etdikdən sonra dərin yuxu mərhələsinin olmaması olub. “AutoSleep” proqramından istifadə edərək, o, hətta bir stəkan şərab və ya pivənin onu dərin yuxudan məhrum etdiyini və ümumi yuxusunu təxminən bir saat azaltdığını aşkar edib.

Mackey spirtli içkidən imtina etmək istəmədiyi üçün bir çox təcrübələr aparıb, amma spirtin yuxu keyfiyyətini pisləşdirdiyini görüb. Nəticədə o, sağlam yuxu naminə spirtdən imtina etmək qərarına gəlib ki, ona bu yolda “Apple Watch” tərəfindən toplanan məlumatlar kömək edib.

QAZİLER.AZ