Amerikalı aktyor, musiqiçi və rejissor Conni Depp italyan rəssam və heykəltəraş Amedeo Modilani haqqında çəkdiyi “Modi: Dəlilik qanadlarında üç gün” filminin Moskvada sosial premyerasında ruslara müraciət edib.

Qaziler.az xəbər verir ki, bu barədə “rg.ru” məlumat paylaşıb.

Aktyorlar Bruno Queri, Antoniya Despla və rejissorun özü xüsusi olaraq premyera üçün video mesajlar yazıblar. O, filmi izləyənlərə təşəkkür edib.

“Həmişə olduğu kimi, sizə ən yaxşısını arzulayıram. Xoşbəxt olun, təşəkkür edirəm!” – deyə Conni Depp tamaşaçılara səslənib.

Bundan əvvəl zalda, xüsusən də rus prodüserləri ilə işləyən Conni Depp üçün xatirə kimi kollektiv video çəkilib.

“Modi: Dəlilik qanadında üç gün” filmi rəssamın 1916-cı ildə Parisdə keçirdiyi üç gündən bəhs edir.

QAZİLER.AZ