Çində rəngini dəyişən örtük və flaqman səviyyəli kamera ilə təchiz olunan “Realme 14 Pro+” smartfonu təqdim olunub.

Qaziler.az xəbər verir ki, Bu barədə “Fonearena” portalı məlumat yayıb.

Yeni məhsul 1,5K təsvir ölçülü, 120 Hz təzələnmə tezliyi və 1,6 mm nazik çərçivəyə malik 6,83 düymlük əyri OLED displeylə təchiz edilib.

Cihazın performansı 12 GB əməli yaddaş, 256 və ya 512 GB daxili yaddaşla əlavə edilmiş sub-flaqman “Snapdragon 7s Gen 3” çipi ilə təmin edilir.

Qurğuda üçlü kamera yer alıb: 50 MP-lik Sony IMX896 sensoru əsasında əsas modul, 50 MP-lik üçqat periskopik telefoto obyektiv, həmçinin 8 MP təsvir ölçülü ultra geniş bucaqlı moduldur. Selfi kamerası 32 MP sensorla təmsil olunur.

Smartfon 80 Vt sürətli şarjı dəstəkləyən 6000 mAh batareya ilə təchiz olunub, həmçinin IP66/68/69 standartlarına uyğun olaraq toz və sudan qorunur.

“Realme 14 Pro+”un əsas xüsusiyyəti 16 dərəcədən aşağı temperaturda rəngini dəyişən ağ örtüklüdür. Vegan zamşa bəzəkli klassik versiyada da mövcuddur.

Çində "Realme 14 Pro+" 2599 yuandan (təxminən 700 azn) başlayan qiymətə təklif olunur. Cihazın yanvarda beynəlxalq bazarda təqdim olunacağı açıqlanıb.

QAZİLER.AZ