ABŞ-də bir qadın 18 lotereya bileti alaraq, 180 min dollar udub.

Qaziler.az xəbər verir ki, bu barədə UPI yazır.

Vaşinqton sakini 18 lotereya bileti alaraq 180 min dollar qazanıb. Qadın bunun üçün xüsusi məna kəsb edən rəqəmlərin birləşməsini seçdiyini söyləyib.

Amerikalı deyib ki, cekpotu udan zaman emosiyalarını saxlaya bilməyib və ucadan qışqırıb. Qışqırıq səsini eşidən nəvəsi isə qaçaraq nənəsinin otağına girib. Qadın səhv etmədiyinə əmin olmaq üçün uduşlu biletləri iki dəfə yoxlayıb.

Qadın əldə edəcəyi uduşu həm ABŞ, həm də Filippindəki yaxın qohumları ilə bölüşmək niyyətində olduğunu bildirib. O, bu uduşun təkcə onun üçün deyil, bütün ailəsi üçün faydalı olduğunu, onların arzularına çatmasına və həyat keyfiyyətlərini yaxşılaşdırmasına böyük kömək edəcəyini bildirib.

QAZİLER.AZ