Planet İnstitutunun və digər elmi qurumların amerikalı alimləri müəyyən ediblər ki, Ayın səthində torpaqda hər yerdə su izləri var.

Tədqiqat “The Planetary Science Journal” (TPSJ) elmi nəşrində dərc olunub.

İşçi qrup Yerin təbii peykinin mineraloji xəritələrini təhlil edib və günəş işığı olan ərazilər də daxil olmaqla, bütün Ay enliklərində və topoqrafiyasında su və hidroksil molekullarının (bir hidrogen atomu və bir oksigen atomunun birləşməsi) mövcudluğunu aşkar edib.

Bundan əvvəl hesab edilirdi ki, Ayda su yalnız qütblərdə və buz yataqlarının qalınlığı bir neçə metr ola bilən dərin, kölgəli kraterlərdə ola bilər.

Tədqiqatçılar 2008 və 2009-cu illərdə Ayın ətrafında dövr edən “Chandrayaan-1” kosmik gəmisində “Moon Mineralogy Mapper” (M3) cihazının məlumatlarından istifadə ediblər.

QAZİLER.AZ