“Nubia” indiyədək ən güclü “Android” planşet olacaq cihazın texniki xüsusiyyətlərini açıqlayıb.

Bu barədə "GSMArena" portalı məlumat yayıb.

“Red Magic Gaming Pad” adlı oyun planşeti, “Snapdragon 8 Gen 3” çipsetinin sürəti artırılmış versiyasını alacaq. Bunun sayəsində məhsul AnTuTu ilə müqayisədə 2,2 milyon xal qazanacaq və bu da planşeti texnologya bazarında ən güclü edəcək. Beləliklə, prosessor balı 466,6 min, qrafik prosessor 948,3 min, yaddaş 403,7 min, UX isə 386,3 min bal olub.

Paylaşılan skrinşotdan o da məlum olub ki, “Red Magic Gaming Pad” 16 GB LPDDR5 RAM və 512 GB UFS 4.0 disk alacaq və cihaz “Android 14” əməliyyat sistemi ilə işləyəcək.

Bundan əlavə, planşetin 120 Hz təsvirin yenilənmə tezliyinə malik displeylə təchiz ediləcəyi açıqlanıb.

QAZİLER.AZ