Məşhur mobil bençmark “AnTuTu”nun müəllifləri dünyanın ən güclü Android smartfonlarının siyahısını dərc ediblər. O, yalnız beynəlxalq bazarda mövcud olan cihazları nəzərdə tutub.

Qaziler.az UNİAN-a istinadla bildirir ki, siyahıda liderliyi 2,11 milyon xal toplayan “ROG Phone 8 Pro” tutub. O, bu gün Android cihazında mövcud olan ən güclü prosessor “Snapdragon 8 Gen 3” və qabaqcıl “GameCool 8” soyutma sisteminə malikdir.

Onun arxasınca ilk üçlükdə “Snapdragon 8 Gen 3”də işləyən “Nubia Red Magic 9 Pro” və “iQOO 12” dayanır. Bu prosessorun həddən artıq qızma və tənzimləmə ilə bağlı heç bir problemi yoxdur, ona görə də onun üzərindəki smartfonlar istənilən proqram və oyunları maksimum qrafiklə asanlıqla işlədə bilir.

İlk onluqda həmçinin “Xiaomi 14 Ultra”, “Xiaomi 14”, “OnePlus 12”, “Galaxy S24 Ulra”, “Honor Magic 6 Pro”, “Galaxy S24+” və “iQOO Neo 9” yer alıb. Gördüyünüz kimi, ilk 10-luğun demək olar ki, hamısı Qualcomm əsaslı modellərə məxsusdur.

QAZİLER.AZ