“Apple” ölkənin yüksək idxal vergilərini kompensasiya etmək və tədarük zəncirini şaxələndirmək üçün qlobal istehsal yanaşmasını dəyişdirərək, “iPhone 15” modelini Braziliyada yığmağa başlayıb.

Qaziler.az bildirir ki, bu barədə “MacRumors” məlumat yayıb.

Quraşdırma prosesi “Foxconn”un Sao Paulo zavodunda keçirilir və Braziliyada elektronikadan alınan yüksək idxal rüsumlarını azaltmaq məqsədi daşıyır ki, bu da ölkədəki istehlakçılar üçün cihazların qiymətini əhəmiyyətli dərəcədə artırır. Məsələn, hazırda Braziliyada “iPhone 15”in 128 GB-lıq versiyası 7300 real (təxminən 1460 dollar) təşkil edir ki, bu da ABŞ-dakı smartfonun qiymətindən az qala iki dəfə bahadır.

Yalnız 6,1 düymlük əsas “iPhone 15” modeli Braziliyada yığılıb. “iPhone 15‌ Plus”, 15 Pro və 15 Pro Max versiyaları Çindən gətirilməyə davam edəcək. “Apple”ın braziliyalı müştəriləri model nömrəsini yoxlayaraq “iPhone 15”in ölkələrində yığılıb-yığılmadığını müəyyən edə bilərlər: Braziliyadan olan cihazlar “BR/A”, idxal olunanlar isə “BE/A” və “BZ/A” kimi müəyyən edilir.

QAZİLER.AZ