“Galaxy S24” seriyası üçün əsas yeniləmənin buraxılması ilə “Samsung”, “Galaxy AI” platformasının bir hissəsi olan “Instant Slow-mo” funksiyasını alacaq əvvəlki nəsil cihazların siyahısını dərc edib.

Qaziler.az xəbər verir ki, bu barədə “GizmoChina” məlumat yayıb.

“Instant Slow-mo” sizə süni intellektin (AI) gücündən istifadə edərək istənilən videonu yavaş hərəkətə çevirməyə imkan verir. Seçim ilk dəfə 2024-cü ildə “Galaxy S24” seriyalı smartfonlarda ortaya çıxdı, lakin sonradan bir neçə köhnə cihaz dəstək alacaq.

Bu qadcetlərin siyahısına ötənilki “Galaxy S23”, “Galaxy S23 Plus”, “Galaxy S23 Ultra”, “Galaxy Z Fold 5” və “Galaxy Z Flip 5” smartfonları, həmçinin “Galaxy Tab S9 Ultra”, “Galaxy Tab S9 Plus” və “Galaxy Tab S9” planşetləri daxildir.

Bundan əlavə, şirkət bu xüsusiyyətin daha çox video növü ilə uyğunlaşacağını söyləyib. Hal-hazırda 720p ilə 8K arasında dəyişən 8 bitlik videolarla məhdudlaşır. Bundan əlavə, hazırda yalnız .mp4 fayl formatı dəstəklənir. Lakin tezliklə bu funksiya təkcə 10 bitlik videolarla deyil, həm də 480p təsvir ölçüsü və .mov genişlənməsi ilə uyğunlaşacaq.

QAZİLER.AZ