"American Readers Digest" jurnalı iddia edib ki, 2011-ci ildə xərçəng xəstəliyindən vəfat edən "Apple" şirkətinin həmtəsisçisi Stiv Cobs 1998-ci ildə keçirdiyi konfransda məhsulların əvvəlindəki "i" hərfinin nə demək olduğunu deyib.

QAZİLER.AZ  Publika.az-a istinadən  xəbər verir ki, "Apple" markalı texnologiya məhsulları və smartfonları bazarda ən populyar cihazlar arasında olsa da və dünyada milyonlarla insan tərəfindən istifadə edilsə də, bu kimi məhsulların əvvəlində 'i' hərfinin nə demək olduğu həmişə maraq mövzusu olub. "iPhone" , "iPad" və "iWatch" kimi məhsullar şirkət tərəfindən istehsal olunur.

Lakin məlum olub ki, bu sualın cavabını mərhum Stiv Cobs 1998-ci ildə keçirilən konfransda verib və “i” hərfinin bir deyil, beş sözü ifadə etdiyi açıqlayıb.

BEŞ KONSEPSİYA?

Bu günə qədər ən populyar təxmin 'i' hərfinin interneti təmsil etməsi idi. 'i' Azərbaycan dilinə tərcümədə "mən" mənasını ifadə edir. Məhsullarda fərdiləşdirmənin vurğulandığını nəzərə alsaq, bu, ağlabatan deyil.

Keçən il 100 illik yubileyini qeyd edən "American Readers Digest" jurnalı kibertəhlükəsizlik və məxfilik üzrə ekspert Paul Bischoffa əsaslanan xəbərlərində "Apple" məhsullarında 'i' hərfinin aşağıdakı 5 anlayışı əhatə etdiyini iddia edib:

"İnternet, individual, instruct, inform və inspire".

Bischoffun sözlərinə görə, bu sözlər təqdimatın mühüm hissəsi olsa da, Cobs həmçinin 'i'nin heç bir formal mənası olmadığını söyləyib və bunun birinci şəxsin təki 'mən' əvəzliyi mənasını verə biləcəyini vurğulayıb.